دویغوسوز

دویغولار اؤلموش  منیم دونیامدا

چیچکلر سولموش منیم دونیامدا

دونیامدا بیرجه من یاشییرام تک

آجیقلار  دولموش منیم  دونیامدا

دؤن

بو گئجه سن سیزیم دایاغیم قالمیر

سن سیز یئریماغا  آیاغیم  قالمیر

بیر نفر بیر چیخیب جانیمی آلمیر

گونشم  سونموشم چراغیم  قالمیر

گل قوتار جانیمی نه اولار گل دؤن

جان وئرن  آنیمدا جانیمی  آل دؤن

نئجه  یالواریم  کی  بوراخما  منی

اولموشم یانیمدا بیرجه سن قال دؤن

سن

گیزلیجه  یادیمدا  اووا  گورموسان

روحومی جانیمی  اوتا  وورموسان

راحاتجا فیکریمده یاتیب  اویموسان

گوزومون قارشیندا هرآن دورموسان

قانیمی داماردا  سن  دون  سالیرسان

گئجه - گوندوزومی   مندن  آلیرسان

اومودسوز  جانیمی   نیه  دیندیردین

بیر اوتدان قورتاریب اوتا سالیرسان

نه اولار رسمینده یئریمی بوش چک

یادا بیر قفسده  قاناتسیز قوش   چک

دایانیب   لحظه لر ،  فیکیرلریم تک

منی غم کدرلی اؤزووی خوش چک