سن

گیزلیجه  یادیمدا  اووا  گورموسان

روحومی جانیمی  اوتا  وورموسان

راحاتجا فیکریمده یاتیب  اویموسان

گوزومون قارشیندا هرآن دورموسان

قانیمی داماردا  سن  دون  سالیرسان

گئجه - گوندوزومی   مندن  آلیرسان

اومودسوز  جانیمی   نیه  دیندیردین

بیر اوتدان قورتاریب اوتا سالیرسان

نه اولار رسمینده یئریمی بوش چک

یادا بیر قفسده  قاناتسیز قوش   چک

دایانیب   لحظه لر ،  فیکیرلریم تک

منی غم کدرلی اؤزووی خوش چک

گونش

گئچمیشیمین  واراقلاری  تیکه تیکه 

گله جه ییمین دوشونجه سینده دییرم

ائله ایندیکی حالیمنان یورولموشام

حالیمی خبر  آلماغا حالیم  قالمیر

...کلمه لر قورویوب

دوشونجه لر ایچیمده هر گون دوغولور

مؤر تک ایچیمی یئماخدا

پاییز گلیر...

بوتالاریمداکی قارقالار آغیر لیغ ائدیر

بو قیش قارلا قوجاقلاشام

بیر سرین یئله بندم